Актуелниот светски шампион, Шпанија ќе ги започне подготовките за Светското Првенство во Катар со првиот собир од 26 до 30 декември во Валенсија.
Меѓу повиканите ракометари, селекторот Каденас ќе смета на услугите на талентираниот десен бек на Вардар, Алекс Дујшебаев, за кого ова ќе биде прво големо натпреварување за сениорската селекција.
За првата фаза повикани се:
ГОЛМАНИ: Гонзало Перез де Варгаз (FC Barcelona), Хозе Мануел Сиера (Mol Pick Szeged) и Родриго Коралес (Orlen Wisla Plock)

ЦЕНТРАЛНИ БЕКОВИ: Раул Ентрериос (FC Barcelona), Чема Родригез (MKB Veszprém) и Нико Миндегиа (Mol Pick Szeged)

ДЕСНИ БЕКОВИ: Хорхе Македа (HBC Nantes) и Алекс Дујшебаев (HC Vardar Pro)

ЛЕВИ БЕКОВИ: Антонио Гарсија (Mol Pick Szeged) и Виран Морос (FC Barcelona)

ДЕСНИ КРИЛА: Алберто Рокас (Naturhouse La Rioja) и Виктор Томас (FC Barcelona)

ЛЕВИ КРИЛА: Кристијан Угалде (MKB Veszprém) и Валеро Ривера (HBC Nantes)

ПИКЕРИ: Хулен Агинагалде ( Vive Targi Kielce) и Рафа Баена (Bm. Puente Genil).

Во првата фаза ќе отсуствуваат Хуан Канељас, Гидеон Гвардиола и Хуан Адреу поради клупски обврски во Бундеслигата, додека Арпад Штербик побарал неколку денови одмор.

Втората фаза на подготовки ќе започне на 4 јануари во Овиедо, каде ќе се одржи Интернационален турнир, а репрезентацијата на Шпанија ќе игра против репрезентациите на Унгарија, Норвешка и Полска. Селекторот Кадењас по овој турнир ќе ги одбере патниците за Катар. По турнирот репрезентацијата ќе има слободен ден, а на 14 јануари патуваат на Светското Првенство